MACHABAEUS

MACHABAEUS

cognomentum fuit solius Iudae, filiorum Mattathiae natu maximi, idque iam a puero, quamvis Iudaei velint, illum ita demum appellatum esse ab eo tempore, quo vexillo suo singulares literas intexi curavit, quae singulorum illorum verborum, Exod. 15. initia essent Mi Chamocha Belohim Adonat. Sed ex vetustissimis Iudaeorum monumentis scimus, Leonem eius vexillo intextum fuisse. Ceterum veteres Ecclesiastici, non Iudam solum, sed multos alios Machabaeos vocant. Eusebius omnes Hasamonaeos, i. e. omnem progeniem Mattathiae Hasamonaei vocat Machabaeos, l. 8. Eorum historia sic habet. Mattathias, cx familia Ioarib, e tribu Levi, praefectum Antiochi Epiphanis, Modini, occidit, A. 587. U. C. Pater quinque filiorum, e quibus Iudas, Ionathas et Simon ei successerunt. Hos sequuti Pontifices et Reges Iudaeorum Iohannes Hyrcanus, Aristobulus I. Alexander, Hyrcanus, Aristobulus II. Antigonus, Aristobulus III. ab Herode sublatus: qui, Iudaicae Reip. vindices et assertores, contra potentissimos Reges bella gesserunt. Vide Dan. c. 11. v. 34. Quin et Machabaei dicti sunt, septem fratres filii Annae, propter verum cultum a satellitibus Antiochi excarnificati, de quibus in Epitomâ Iasonis Cyrenaei, Itaque omnes, qui ob legis observationem excruciati, caesi, et male tractati sunt, a veteribus Christianis dicuntur Machabaei, ut qui propter Christum dicti Martyres. Isid. Pelus. l. 3. ep. 4. ait, Machabaeum Persicâ linguâ Dominum significare. Subdit Μακκαβαῖοι γὰρ ἐκλήθησαν καὶ οἱ ἐν τοῖς Μακκαβαϊκοῖς χρόνοις τὰ ἀνήκεστα ὑπομεμενηκότες, καὶ μὴ ἐξομοσάμενοι τοὺς πατρώους νόμους. Vide plura libb. Machab. 1. et 2. Ioseph. in Antiq. et de Bell. Iud. Machabaeorum liber uterque, quorum primus a Ioh. Hyrcano compositus, alter a Iasone Cyrenaeo, vel potius huius epitomatore, concinnatus, 2 Machab. c. 2. v. 23. videtur, Apocryphus est: utpote, in quibus falsitates plurimae, Vide Frid. Spanhem. disput. 6. de Auctor. ll. Apocryph. etc. Non paucae Contradictiones, Vide de morte Antiochi 1 Machab. c. 6. v. 16. et 2 Machab. c. 1. v. 16. ut et 2 Machab. c. 9. v. 28. quae confer cum Dan. c. 8. v. 25. item, detemplo purgato a Iuda Assamonaeo, ante mortem Antiochi, 1 Machab. c. 4. v. 36. quod demum post huius mortem contigisse dicitur, 2 Machab. c. 10. v. 9. etc. Spanhem. disp. 7. Innumera tandem mali commatis, et vel superstitionem, vel Impietatem olentia, ut quod e. g. Mattathiae facinus, 1 Machab. c. 2. v. 47. et 48. Ornamenta templi a Deo non iussa, 1 Machab. c. 4. v. 57. Eleazari temeritas, 1 Machab. c. 6. v. 43. etc. Foedustam arctum cum Spartanis, 1 Machab. c. 12. v. 11. Sacrificium pro mortuis, 2 Machab. c. 12. v. 43. Razis αὐτοχειρία, 2 Machab. c. 14. v. 37. etc. non sine elogio referuntur et approbantur. Quibus impius accedit colophon, cum Auctor 2 Machab. c. 15. v. 39. anxius haeret, an scriptio responderit arti, an digna sit argumento, etc. fatetur interim se omnes vires interdisse, ad opus istud: Quale quid Spiritui S. sine blasphemia nequit tribui. Vide Spanhem. disp. de ll. Apocryph. 11. et 12. Quidam tertium quoque librum addunt, quem Apocryphis accenset ipse Bellarminus de Verbo Dei c. 15. Catalogum commentatorum in hos libros exhibet Crowaeus in Elench. Vide et supra. Maccabaei.